20-21 IKASTURTEA

Ikasturte berriaren hasierara hurbiltzen ari gara. Ikastola prest dago bere historia hurbilenean bizi izan duen erronkarik zorrotzenari erantzuteko.
Ikastola gidatzeak duen ardurak gure egunerokoa gidatzen du eta hortik hartu ditugu hartutako erabakiak. Aurrera eramango dugun plana malgua da beti ere, pandemia honen noranzkoa zein izan daitekeen jakin ez dakigu eta.
Baina agertoki desberdinak prest ditugu, ikastolak eskeintzen duen kalitatea, arlo guztietan ziurtatzeko. Horretarako, izaera solidarioa, konpromisoa, jarrera sortzailea eta, batez ere, erantzukizun pertsonala eta kolektiboa balioetsi beharko ditugu proposatutako planek beren helburua lor dezaten.
Horretarako, familiok, neurri egokiak hartu eta errespetatu beharko ditugu, gure seme-alabak mentalizatu eta gure jarrera, jokaera eta portaerak eredugarri bihurtuz. Zalantzarik gabe, jokatu behar dugun "norgehiagoka honek" taldean aritzea eskatzen du, ​ibilbide-orria​ salbuespenik gabe errespetatuz. Segurtasuna bermatuta, gure hezkuntza-eredu eta proiektu propioa elikatzen jarraitzeko ardura dugu,gure haur eta gazte bakoitzaren beharrei modu integralean erantzunez. Presta dezagun guztion artean gure seme-alaben oraina eta etorkizuna
ESKERRIK ASKO ETA AURRERA!